Sikhale Omutachoni yamenyanga mu olukova. Lwalichingi nende ofusuli ofunyinji fwa avandu vaukhaukhane, okhurulila khu omundu wa esikelo sia hasi okhutuukha khu omwami. Olukova lwachingi na lisisi liali nilialusira . Elwanyi wa lisisi lilia ovwina vwaliyo ovukali. Ovwina vuno vwayetanga okhukhingilila avasiku niveecha mu esilo vakhanyala okhwinjila mu olukova ta, navuchwa vakwe mu ovwina vulia. Avandu vasaacha vakholanga emilimo kia okhwaya ching'ombe, okhuhaya chisang'i cha mwisino, okhwiranya ofubia nende emilimo kindi emikali kia omusacha anyala wakhola. Avasacha vechesianga avana avasiani vaavo omwima kwa avatachoni
Avandu vakhasi navo vakholanga emilimo kia munju nende emikunda. Emilimo kino kiali khuli, okhutekhela avandu, okhukaasia yinju, okhumicha yimo mu evituti, okhukhama ching'ombe hangoloove, okhucha okhutaya amachi emuchela, okhwechesia avana avakhana khuli vakhoya vamenye nende avasacha baabo nende emilimo kindi kia omundu wa esikhasi anyala okhukhola.
Mu olukova mulia omusaala omutoto sikwatakhangamo ta, hasi wa omusala kuno valangangaho vari amusambwa. Kho omutachoni yachichanga okhwisaaya hasi wa omutoto amisambwa. Avundu hano hali avundu avuraboola.
Nono lekha omwima omutachoni nikhureka chitoa lukano lukano
- Olukano lwa avatachoni
- Avaruki va avatachoni
- Chikholo cha Omutachoni
- Eselevo
- Ovwami/Siasa
- Ovusangi mu limenya
- Emiima keifu
- Ovulimi
- Ofwakhulia
- Okhusevana
- Okhuyilana
- Okhuyavilana
