Omwima

Sikhale Omutachoni yamenyanga mu olukoba. Lwalichingi nende ebisuli ebikali bia abandu baukhaukhane, okhurulila khu omundu wa kawaita okhutukha khu omwami. Olukoba lwachingi lisisi liali ne liasira . Elwanyi obwina bwaliyo obukali kho abasiku ne beecha musilo bakwemo. Abandu ba esisacha bakholanga emilimo kia okhwaya ching'ombe, okhuhaya chisang'i cha mwisino, okhwiranya ofubia nende emilimo kindi emikali kia omusacha anyala wakola. Abasacha bechesianga abana abasiani baabo omwima kwa abatachoni

Abandu ba esikhasi nabo bakholanga emilimo kia munju nende emikunda. Emilimo kino kiali khuli, okhutekhela abandu yinju, okhumicha yimo mu ebituti, okhukhama chin'ombe hangoloobe, okhucha amachi emuchela, okhwechesia abana abakhana khuli bakhoya bamenye nende abasacha baabo nende emilimo kindi kia omundu wa esikhasi anyala okhukhola.

Mu olukoba mulia omusala omutoto se kwatakhangamo ta,  hasi wa omusala kuno balangangao bari mumisambwa. Kho omutachoni yachichanga okhwisaya hasi wa omutoto mumisambwa.